1018 – 1. Kvenfélagið Iðja HVH62

Bók þessi var stök í hillu á skjalasafni merkt Kvenfélaginu Hvöt fremri-Torfustaðahrepp. Ekki er vitað hver afhenti né hvenær. Þar sem vitað var að þetta félag gekk í kvenfélagið Iðju síðar meir fær það skjalamyndaranafnið Kvenfélagið Iðja HVH62, og munu aðrar afhendingar sem skila sér inn fara undir þetta HVH númer en fá sitt sér afhendingarnúmer. Þar sem gengið er frá þessari bók 2018 fær það afhendingarnúmerið 1018. Gjöf þessi fer í einn flokk.

A – Fundargjörðarbók Hvöt Fremri-Torfustaðarhrepp.
Spunafélagið Hvöt í Fremri-Torfustaðahrepp hafði þann tilgang að fjárfesta í spunavél og vefstól sem gekk á milli bæja svo fólk gat gert á sig og aðra fjölskyldumeðlimi flíkur. Seinna breytist svo þessi félagsskapur í Kvenfélagið Hvöt, sem lagðist að lokum niður með fækkun fólks á bæjum og sameinaðist öðru kvenfélagi í Ytri-Torfustaðahrepp.
Bók þessi er svört stílabók með gráum hornum og kjöl í stærðinni 19,7 x 24,7. Bókin er með 128 tölusettar blaðsíður en einungis ritaða í 34 bls, fremst skrifar Arndís Pálsdóttir þáverandi formaður smá uppl um tilurð kvenfélagsins Hvatar. En það var stofnað að Haugi í Miðfirði hinn 26.september 1935 af 16 meðlimum. Enginn formaður var fyrstu árin en í forsvari voru Guðný Björnsdóttir Núpsdalstungu og Guðrún Jónasdóttir Haugi. Um 1940 var þessi félagsskapur gerður að kvenfélaginu Hvöt, Ekki er vitað með vissu hver var fyrsti formaður Hvatar en í fundargerðum 1940 – 1941 var það Guðfinna Björnsdóttir Torfastöðum. Árið 1953 er félagið komið með heitið kvenfélagið Hvöt með 12 félaga.
Hinn 9.júní 1940 er haldinn aðalfundur í spunafélaginu Hvöt að Efra-Núpi.
Síðasta færsla er skráð 2.maí 1978 en þá heitir félagið kvenfélagið Hvöt og taldi 5 félags konur.