1018 – 1. Kvenfélagið Iðja HVH62
Bók þessi er svört stílabók með gráum hornum og kjöl í stærðinni 19,7 x 24,7. Bókin er með 128 tölusettar blaðsíður en einungis ritaða í 34 bls.
Gjörðabók Hvatar í Fremri-Torfustaðahrepps sem er greinilega ekki fyrsta gjörðabók félagsins hefst á ágripi félagsins ritað af þáverandi formanni kvenfélagsins Hvatar Arndísi Pálsdóttur Barkarstöðum, kemur þar fram að upphaflega hafi félagið verið spunafélag og stofnað að Haugi 26.september 1935 með 16 meðlimum. Engin formaður hafi þó verið fyrstu árin en í forsvari fyrir spunafélaginu hafi verið þær Guðný Björnsdóttir Núpsdalstungu og Guðrún Jónasdóttir Haugi. Sennilega um 1940 er þessi félagsskapur gerður að löglegu kvenfélagi og skírt Hvöt. Ekki var vitað hver var fyrsti formaður en í fundargerð frá 1940 - ´41 er Guðfinna Björnsdóttir Torfastöðum nefnd sem formaður. Fyrstu verkefni félagsins voru að kaupa spunavél og vefstól og reka þá, voru báðar vélar fluttar á milli bæja og voru þeir mikið notaðir. Haustið 1945 er byrjað að selja réttakaffi í Miðfjarðarrétt, einnig sá konur um þorrablót innan hreppsins og fleira.
Samkvæmt gjörðabók kvenfélagsins Hvatar sem hefst á aðalfundi spunafélagsins Hvatar 9.júní 1940 eru þessar kosnar í stjórn Sigríður Bjargastöðum 6 atkv, Guðfinna Litla-Hvammi 5.atkv og Guðfinna Torfastöðum 5 atkv. Við skoðun bókar sést að félagið var ýmist skráð af ritarar sem iðnfélag / heimilisiðnaðarfélag eða spunafélag, á fundi skráðum 28.júní 1953 eða það nefnt kvenfélagið Hvöt. Á aðalfundi félagsins haldinn að Barkarstöðum 2.maí 1978 var ákveðið að slíta félagsskapnum og ráðstaða eignum félagsins, ekki er þó sagt hvert. Síðar meir gengu flestar þær konur sem eftir voru í félaginu kvenfélaginu Iðju.