1019-7 Kvenfélagið Iðja HVH62
Gjörðabók þessi hefst á lögum heimilisiðnaðarfélagsins Iðju, lögin eru dagsett að Stóra-Ósi 18.ágúst 1935 undirritað af 22 konum yfirstrikuð nöfn eru þrjú og þar af tvö karlmannsnöfn. Á eftir færslu um lög og undirskriftir er blaðsíða með reglum um vefstól félagsins. Fyrsta fundargerð hefst svo 24.júní 1934 og er haldinn að Ásbyrgi fyrir tilhlutun kvenfélagsins Auðar er þá var starfræktur í Ytri-Torfustaðahrepp. Fundinn setti Þóra Jóhannsdóttir Bergsstöðum og skýrði frá spunavélarkaupum þeim er félagið hafði gengist fyrir, þá var fyrst talað um hvað spunafélagið skyldi heita og kom fram tillaga frá Hólmfríði á Stóra-Ósi að það skyldi heita Iðja, var það samþykkt og þriggja kvenna stjórn kosin og hlutu þær kosningu Frú Ingibjörg Briem, Þóra Jóhannsdóttir og Hólmfríður Bjarnadóttir. Félagið er gert að hlutafélagi og hver stofnfélagi greiddi 10 krónur og fengi þær endurgreiddar ef þær flyttu af félagssvæðinu. Í gjörðabókinni er félagið ýmist nefnt spunafélag / heimilisiðnaðarfélag eða kvenfélagið Iðja. Síðasta fundarfærsla bókar er 24.nóvember 1974 kemur þá fram að formaður er Jóhanna Pálsdóttir aðrir stjórnarmeðlimir ekki til teknar.