Kvenfélagið Freyja í Víðidal var stofnað 2.september 1917 að Lækjarmóti í Þorkelshólshreppi. Á þeim fundi er stjórn kosin Jónína Líndal formaður, Guðrún Jóhannesdóttir ritari, Guðrún Grímsdóttir gjaldkeri. Einnig er kosin tveggja kvenna nefnd til að búa til lög félagsins, kosnar voru Aðalheiður Jónsdóttir og Jónína Líndal.
Næsti fundur er svo 7.nóvember 1917 að Hrísum og eru þá lög tilbúin sem og nafnið Freyja, undir lögin skrifa 41 kona, 42 með einu nafni sem er yfirstrikað. Kosnar eru í varastjórn Aðalheiður Jónsdóttir varaformaður, Margrét Jóhannesdóttir vararitari og Kristín Gunnarsdóttir varagjaldkeri.
Í síðustu fundargerðarbók sem safnið hefur er í stjórn á aðalfundi 9.apríl 1989 kosnar Steinunn Guðmundsdóttir formaður, Sigríður Tryggvadóttir varaformaður, ekki er kosinn gjaldkeri né ritari en undir fundargerð skrifar Oddný Jósefsdóttir.