JA - 1 - 135. Mannlífsmynd frá 50.ára afmælishátíð Hvammstangahrepps 8. - 10.júlí 1988. Frá vinstri við kofan er Einar Friðgeir Björnsson (1970) frá Bessastöðum í Miðfirði, standandi og snýr baki í myndasmið er Inga Guðmundsdóttir (1950), sitjandi eru næst kofanum Aðalheiður Sveina „Alla“ Einarsdóttir (1962) þá Þórhallur „Haddi“ Jónsson (1952), svo Skúli Árnason (1931-1994) frá Gnýsstöðum á Vatnsnesi, þá Björn Þórir „Bangsi“ Sigurðsson (1935-2018) þá Böðvar Stefán „Böddi“ Daníelsson (1923-1998) frá Fossseli í Miðfirði þá Guðmundur Stefán „Stebbi Þórhalls“ Þórhallsson ( 1931-2020) og síðastur er Sigurður Gestsson (1918-2004) „Siggi í Mörk“ frá Mörk á Vatnsnesi. Að auki er kvikmyndafólk allt óþekkt.
JA - 1 - 152. Í Miðfjarðarrétt í Miðfirði. Frá vinstri í grænum stekk er Ingi Hjört Bjarnason (1965) frá Svertingsstöðum, við hlið hans með köflótta húfu er Guðmundur Karlsson (1931-2017) bóndi á Mýrum 3, lengra til hægri í brúnum léttum stakk og með brúnleita derhúfu er Benedikt Guðmundsson (1905-1990) bóndi á Staðarbakka I, fyrir aftan hann í köflóttri peysu er María Heiðland Sigurlaugsdóttir (1955) frá Staðarbakka II, lengst til hægri í brúnni rúllukragapeysu er Jón Ívar Jónsson (1946) bóndi á Skarfshóli.
JA - 1 - 155. Við Hamarrétt á Vatnsnesi. Vinstra megin er Guðjón Jósefsson (1909-1989) bóndi á Ásbjarnarstöðum, maður í grænni úlpu og með köflótta derhúfu er Árni Eyjólfur A.Hraundal (1916-1988) og lengst til hægri er Guðmundur Helgi „Guðmundur góði“ Sigurðsson (1910-1989) bjó í Holti á Hvammstanga.
JA - 1 - 214. Í Víðidalstungurétt í Víðidal. Vinstra megin á mynd uppá vegg er Jónína Ragna Sigurbjartsdóttir (1959) með flétturnar og við hlið hennar er Sigrún Herdís „Heddý“ Sigurbjartsdóttir (1957), maður með há kollvik rétt hjá þeim er Bjarni Kristmundsson „Bjarni í Dal“ (1930-2011), aðrir óþekktir.
