JA - 1 - 221. Í Víðidalstungurétt í Víðidal. Lengst til hægri er Jóhann Hermann Sigurðsson (1936-2003) bóndi í Litlu-Hlíð, fyrir framan hann er ljóshærður maður í ljósum jakka og lopapeysu það er Gunnlaugur Björnsson (1937) þáverandi bóndi í Nípukoti hjá honum stendur í köflóttri yfirhöfn Sigrún Þórisdóttir (1945) eiginkona hans, hjá þeim stendur Bjarni Kristmundsson „Bjarni í Dal“ (1930-2011), aðrir óþekktir.
JA - 1 - 211. Í Víðidalstungurétt í Víðidal. Fyrir miðri mynd jakkafataklæddur maður að halda í kind er Jóhann Hermann Sigurðsson (1936 – 2003) bóndi í litlu-Hlíð, aðrir óþekktir.
JA - 1 - 214. Í Víðidalstungurétt í Víðidal. Vinstra megin á mynd uppá vegg er Jónína Ragna Sigurbjartsdóttir (1959) með flétturnar og við hlið hennar er Sigrún Herdís „Heddý“ Sigurbjartsdóttir (1957), maður með há kollvik rétt hjá þeim er Bjarni Kristmundsson „Bjarni í Dal“ (1930-2011), aðrir óþekktir.
JA - 1 - 27. Ragnar Gunnlaugsson (1941) heldur í kind og er með hrút í bandi. Ragnar er bróðir Egils. Myndin er tekin á árunum 1966 eða 1967. Hrúturinn var kallaður Valdi og var frá Valdalæk. Fjárhúsin voru upphaflega hesthús byggt við hlöðu frá 1930, en endurbyggð sem fjárhús um 1960.
JA - 1 16. Gunnlaugur Auðunn Jóhannesson (1894-1970) í heyskap. Myndin er tekin á Bakka í Víðidal en Gunnlaugur var bóndi þar árin 1922-1969. Steinhúsið sem er í baksýn á myndinni er byggt frá 1925-1927. Mynd líklega tekin um 1946.
